mann mein shree raam ka naam lo

zindagi bhar kisi ka na ehsaan lo,
baat hai yeh sahi, baat yeh maan lo. 

de-do, de-do mujhe apne runj-o-alam,
chaho badle mein to tum meri jaan lo. 

chaaho to cheen lo, mera sabr-o-karaar,
na kabhi cheen kar, mera emaan lo. 

jab kabhi, dil mein jaage koi vaasna
mann mein us ghadi,  shree raam ka naam lo. 

na kinaare pe reh kar nazaara karo,
gar hai himmat jo dil mein, to tufan lo. 

ho irrade atal, to aye dost khauf kyun,
jeetna hai yeh baazi, dil mein tum tthan lo.

kaun karega iss desh ka udhhar

kal main dekh raha tha tv pe news,
urd gaya dekh ke mera bhi fuse,

badh gayi hai mattra balatkar ki iss desh mein,
kaun hoga balatkari, kaise aayega, kis vaish mein,

akeli naari ka sadak pe niklana bhari hai,
har insaan ko dekhti hai sakk ki nigah se,

jaise koi balatkari hai.

kya rah jayega insaan ka mol,
bhari hai jaha balatkarion ka mail-jol,

police bhi nahi karti hai iss problem ko solve,
kuch hadd tak inka bhi hai ismein gappa-gol,

kaun tordega iss desh ki system ki poll,
jinke pas hai takat aur paisa, unka yaha raaj hai,

iss desh ke aise hi nagrik hain aur wohi bhardwaaj hai,
har gunah yaha paise aur takat ke samane chhota hai,

aur aam aadmi yaha bin paide ka lota hai,
har insaan ko yaha jagrukh rahena padta hai,
aur police kambal ordh kar sota hai.

paidaishi har bhoj woh jhel raha hai,
aur balatkari har naari se khel raha hai,

kaun karega iss desh ka udhhar,

gunehgaar khade hain jaha har dwaar,

balatkarion ki jaha hain bharmaar,
aur har aadmi hai jaha laachar..

aam-janta ko bargalaya jaa raha

chand ko suraj bataya jaa raha,
aam-janta ko bargalaya jaa raha,
rashtra-ghatak majhabi logo ko,
ekta ka swar bataya jaa raha.

dwesh, chhal, katu-ta, ghrina, aadhar jinka,
majhabi unmadh hi bypaar jinka,
ab humein insaaniyat samjha rahe.

pit-te hain chhatiyan, chhilla rahe hain,
bichaate hain muthiyan, jhalla rahe hain,
dosh mat dena humein baad mein logo,
dekho sehar ki aur gedard aa rahe.

majhabi chaadar yahan, hum tanne na denge,
dwesh ka darsan yahan chalne na denge,
vishdharo, bhaago hamari bhumi se,
aastin mein saap hum palne na denge.

kitne hi dillon pe khanjar chalaya hai

aaj duniya ko mohabbat ki kadar hi kahan,
har taraf nafrat ka saya hai,

bhai bhai ka dil cheer raha hai,
bharat apne hi khoon se nahaya hai.

mazloomon ki kaun kare hifaazat yahan,
rakhwalon ke hi to khauf ne sataya hai,

patharon ki murat mein ab rab basta nahi,
uski fitrat mein bhi zulm samaya hai,

junoon hai jeetne ka yeh daud zindagi ki,
humne maut ki taraf kadam badhaya hai,

har disha mein aandhi hai pyaasi lahoo ki,
insaaniyat ko insaan ne hi to maar khaya hai,

chand siyaron ne bhookh mitane ko apni,
shikaar insaan ka insaan se karwaya hai.

dekhna chahta hai jo apne phool ko khilte huye,
bageechon ko registaan mein badalwaya hai,

agar basti hai aaj bhi mohabbat dillon mein,
to kyon apne hi bachhon se mulk tharraya hai,

dawa karta hai jo shaks ishq ka mashhok se apne,
jaane kitno ko vidhawa usne banaya hai,

jo aashiq hai yahan apne mehboob ka usne,
kitne hi dillon pe khanjar chalaya hai,

deta hai misaal tajmahal ki mohabbat liye,
kitne hi aashiqon ka makbara usne banwaya hai,

rehnuma hai jo watan ka, 

kaum ko apne ussi ne

katle-aam karwaya hai.

har praani se prem kare jo, woh sachcha insaan hai

raah-e-zindagi mein kyun tu bebhaan hai?
bezubaan ko maarna kyu tere liye asaan hai?

sabke liye yehi dharti, sabhi ko naseeb yehi asmaan hai,
insaan ho ya jaanwar, sabhi ko jeene ka armaan hai,

panchhi, machhli, hiran, chinti, sabme ek hi jaan hai,
har praani se prem kare jo, woh sachcha insaan hai.

yeh mastak tere charano mein jhukaane aaya hoon

naa kisi dharm, naa kisi majhaab se aaya hoon,
naa koi geet, naa hi kavita sunaane aaya hoon.

naa koi niyam, naa koi bandish bataani hai,
naa koi yaad, naa fariyaad dikhaane aaya hoon.

naa kisi gali, naa kisi kuche ki aawaz ke saath,
naa tere, naa mere ki baat bataane aaya hoon.

naa aanshun, naa ghum, sirf khushi ho naa sitam,
naa kisi bhaashan se doston rijhaane aaya hoon.

naa taaliyo ki gunjaar, naa baaton ki bahaar,
naa kisi ke yaad mein do pal manaane aaya hoon.

naa koi phool, naa koi lafz naa hi koi taraana,
main to apani baat tujh tak pahuchaane aaya hoon.

hey bharati..!
bas teri garima tujhi ko yaad dilaane aaya hoon.

naa koi ghum naa khushi ki shikayat hai yeh par
main hoon yehin par yehi bataane aaya hoon.

hai swabhimaan se bhara shees bhaartiya hone par,
yeh mastak tere charano mein jhukaane aaya hoon.

nyuchhawar har pal hoon, kehane ki jaroorat nahi,
maa! bas issi vishwas ko vishwaas dilaane aaya hoon.

jo kisi praani ko maare, woh shaitaan hai insaan nahi

jo kisi praani ko maare, woh shaitaan hai insaan nahi,
mare hue ko khaye kyu? yeh pet hai shamshaan nahi,

jo kaanta koi chubh jaaye, tardapta hua tu chillaye,
kaate tu talwaaro se, kyu cheekh na unki sun paaye,

dard unhe bhi hota hai, woh jeevit hai bejaan nahi,
jo kisi praani ko maare, woh shaitaan hai insaan nahi.

har ek ki apni satta hai, sabka apna apna wajud hai,
sab hain jeete apne liye, kisi aur ke liye maujud nahi,

sabhi ko jeewan diya hai usne, 

kaun yahaan prabhu ka santaan nahi,
jo kisi praani ko maare, woh shaitaan hai insaan nahi,

har dharma mein har mazhab mein, 

bible geeta ya chaahe kuraan mein
ek hai aatma, ek hi ruh, 

har pashu mein ya chaahe insaan mein,

ahinsa ka nirjhar sabmein, hinsa ka naam-o-nishaan nahi,
jo kisi praani ko maare, woh shaitaan hai insaan nahi.

buddh kahe, raam kahe, gandhi, paigambar, peer kahe,
jiyo aur jeene do yehi, naanak aur mahaveer kahe.

abhay do har praani ko, abhay sa koi daan nahi,
jo kisi praani ko maare, woh shaitaan hai insaan nahi.

pehle hum insaan hain

kehkar bas, behlaate hain dil, ke mera desh mahaan hai,
koi kehta hai main hindu, koi kehta musalmaan hai,

jaane kyun har shaqs apni pehchaan se anjaan hai,
mahan tab hoga desh,
jab har koi samajh le ke pehle woh insaan hai.

yeh bharat varsh ko bech khayenge

anpad the jo log
the angutha chaap,
kheti the karte
rehte the bailo ke sath,

the gawar anpad jahil
par ek chiz thi unmein shamil,
karte the woh sina jori
khule aam karte the chori,

unhein mila ek naya rasta
tha unhein paiso se wasta,
khela chaal.. bane woh neta
kursi ko apne mein sameta,

kiya desh pe apna raaj
matralay mein gunji awaaz,
sansad mein chappal ka khela
lag gaya desh mein  inka mela.

janta bhi kya kehti inse
mantralay bhi darti jinse,
awaaz inpe kaun uthaye
yamraj bhi pratiksha mein aye,

apni phikr jinhein padi hai
woh ab desh chalayenge,
dekhna sare bharat varsh ko
yeh jald hi bech ke khayenge.

aaj aur kal ki kash-m-kash

aaj phir se hume tanhai ka guman hua,
ashkon ka samundar ankhon pe meherban hua.

dil mein jo dard tha, beh gaya kuch palon ke liye,
shant huyi dil ki hulchul, 
yeh dil bhi anshoon ka kadardan hua.

beete huye pal kyu aaj mein basna chaha rahe hai,
yeh aaj aur kal ki kashmakash mein,
yeh dil bhi jung ka maidan hua.

chalna jara sambhal ke

yeh shehar hai zaalim bada, chalna jara sambhal ke,
milte hain log yahan, chehare badal-badal ke,

zindagi sasti hai bahut, maut ki sadkon par,
phirte hain kaatil yahan, iraadein liye katal ke,

mazloom loot-te hain yahan kanoon ke rakhwalon se,
khakhi wardion mein milte hain looterein chambal ke,

khoon se range hain haath safed-poshon ke to kya,
bichte hain dariche magar un kadmon par makhmal ke,

aabru ke shikariyon se sehma hua har aanchal hai,
sharmate hain in vehshiyon se, darinde bhi jungle ke,

khudgarz hua hai insaan tarakki ki andhi daud mein,
aage bardhte hain log yaha, ek duje ko kuchal ke.

desh ka haal hai behal

desh ka haal hai behal,
janta hai har insaan,
sabko apni fikr hai,
lage hai banane apni pehchan.

sari duniya mein ek,
hai mere desh ka naam,
par naam se kya hota hai,
jab deshwasi hi kare isse badnaam.

hai mantri kehtlate woh,
kanoon ki baatein hain karte,
jitne se pehle sare desh ko,
khusiya dene ka vada karte,
par election mein jitne par,
sare desh ko apni jaagir samajhte.

neta ho ya ho afsar,
ho sadhu, moulvi ya doctor,
sab apni apni jebe bharne ko,
karte hain chori khulkar.

chunte hain in sab ko hum,
sahte hain inki manmani,
jab hadse guzar jate hain woh,
aur karte sabse beimani.

humlog bas sehte rehte hain,
jo hai desh ke gaddar,
phir apne desh ki izzat se,
karte hai khud khilwad.

ab waqt agaya uthne ka,
jaago aye hindustani,
halla bolo milkar kholo,
in logo ki karistani.

na sehna hai ab aage se,
karo door desh se har bala,
jo desh ko chahe bechna,
karna hai unka muqabla. 

yeh mera watan

aazad hua aaj mera, 

pyara watan tha,
dekar kurbani bhagat singh ne, 

bachaya yeh watan tha.

tha ishq apne desh se, 

sacha usse suno,
hanste huye fansi chadha, 

kya joosh-aye-watan tha.

duniya mile badle mein, 

usse mein kabhi na loon,
hai dil mein mere ishq, 

sacha yeh watan ka.

tha kaid mein goron ke, 

mera pyara watan tha,
veero ne jaan de ke, 

bachaya yeh watan tha.

mujh ko guroor hai ki,

bharat hai mera desh,
hai naam jiska duniya mein

woh mera watan tha.