iss duniya mein sabse uncha, sirf mahadev ka naam hai

jarre-jarre mein basta hai woh, uski yehi pehchaan hai, 
iss duniya mein sabse uncha, sirf mahadev ka naam hai.

din mein suraj, raaton mein jo chaand bankar hai chamkta, 
jo hai hawaaob mein charo dishao mein, jo chalata garidh-e-aam hai,
iss duniya mein sabse uncha, sirf mahadev ka naam hai. 

uski ibbadat mein hai kasish anokhi, jo aaya uska ho gaya, 
jo rakhta hai humein apne dil mein,
uske kadamon mein hamara makaam hai, 
iss duniya mein sabse uncha, sirf mahadev ka naam hai.

apne bando par reham hai karta, har mushkil hamari door woh karta, 
har marz uske naam se door ho, woh iss shristi ka sanchalak hai, 
iss duniya mein sabse uncha, sirf mahadev ka naam hai.

sirf woh hi iss duniya mein, tera usse rakh, 
har khushi tujhe bakhshega woh hi, aman aur khushhali jiska paigaam hai,
iss duniya mein sabse uncha, sirf mahadev ka naam hai.

jarre-jarre mein basta hai woh, uski yehi pehchaan hai, 
iss duniya mein sabse uncha, sirf mahadev ka naam hai.

bhole ke deewane

yeh jeevan ek moh ka jaal hai, 
is se paar tu pa jayega, 

bas bhole ke rang mein rang ja deewane, 
bhole ke sath ko tu pa jayega, 

bhole ki bhakti dil se kari to, 
kaal ko bhi maat tu de jayega, 

aree mahadev ka bhakt hai tu pagle, 
kaal bhi tujhse ghabrayega. 

Jai mahakaal !!

roya bhi hassa bhi par chhit na badala

manzilein bhi badali, raaste bhi badale,
zindagi bhi badali, hakkdar bhi badale,

taarikh bhi badali, saal bhi badala,
khawaishein bhi badali, kirrdar bhi badala,
rituein bhi badali, mahram bhi badala. 

shoharrat ne rang badala, ranj bhi badala,
hukumat ne nakab badala, algaav bhi badala,
aavaam ne taaj bhi badala, kalaam bhi badala,

girra bhi uttha bhi, par ek rab na badala,
chupaya kitna bhi par sach nahi badala,
roya bhi hassa bhi par chhit na badala,

badlaav ke iss daur mein, sab badale,
ek raaj na badala, ek mahadev na badale.

mahadev ka naam jap japaunga

na punya hoon na paap hoon main,

andekha sa koi shrrap hoon main,

mujhe dar nahi hai mantro ka,
ha khudmein hi maha jaap hoon main,

na andhiya na tunfaan hai,
mujhmein kaha koi jaan hai,

main koyala ki khaanon mein
hoon palla bardha,

meri khud nahi koi pechaan hai.

tantra tana...yag jalana
hai kaam mera bas yahi,

rakh mein hoon lipta hua,

bhutaal meri naam sahi.

mahadev aur mahakaal ka,

main naam jap japaunga,

mujhe swarg ka koi moh nahi,

mahadev ke naam se main
yahi swarg banaunga.

neelkanta shiv harre

kaal mein, karaal mein… harre harre shiv harre,
samay ki tez chaal mein... harre harre shiv harre, 

pandavon ke dheer mein… neelkanta shiv harre,
karn daanveer mein… neelkant shiv harre,

kauravon ki bheerd mein… aadi dev shankarre,
bheem shourya veer mein… aadi dev shankarre,

aadi aur anth mein... basse basse ji shiv basse,
lekh aur granth mein… basse basse ji shiv basse,

harre harre shiv harre, aadi dev shankarre,
harre harre jo dukh harre… neelkant shiv harre.

tera deedaar karne ki hai ek hasrat baaki

tammana kuch haasil karne ki nahi hai baaki,
hasrat ek hi jo bachi hai baaki,
woh tera deedaar karne ki hai baaki,

aye bhole, hey shiv...
tu hota to hai ru-b-ru harr waqt sabke,
phirr bhi nazar se tu pehchaan mein aata nahi hai,

bas tujhe pehchaan sakoon,

wohi ek nighaah ko paanna hai baaki.

hey shiv shankar shambhu tripurari bholenath prabhu

jinke daar par saare grah aakar dete hain dastak,
jine aage kaal-kapal bhi ho jaate hain natt-mastak,

jinki jatta lehraane pe nadiyan apna rukh badalne lagti hai,
jinki ek hunnkaar se sar-sar hawayein chalne lagti hai,

woh umma-pati.. kailash-pati, woh mahadev maha gyaani hai,
shiv.. shankar.. shambhu.. tripurari.. bholenath prabhu, tri-netra dhari hai,

dharti ambaar bhi tharrati jab woh taandav rudra rup mein aate hain,
woh ardhanaariswar woh bhasmdhaari baba mahakaal kehlate hain.

mahakaal ka main naam japun

na punya hoon, na paap hoon main,

andekha sa koi shap hoon main,

mujhe dar nahi hai mantro ka,

ha khud mein hi maha jaap hoon main.

na andhiya na tunfaan hai,

mujh mein kahan koi jaan hai,

main pathrili ghati mein hoon palah,

meri khud nahi koi pechan hai.

tantra tana... yag jalana,

ha kaam mera bas yahi,

rakh mein hoon lipta hua.

bhu-tal mere naam sahi,

mahadev aur mahakaal ka

main naam jap japaunga..

mujhe swarg ka koi moh nahi...

mahadev ke naam se main
yehi swarg banaunga...

jai mahakaal

aadi hai, anant hai, woh kaal ka bhi kaal hai, 

somya hai utna hi, woh jitna ki vikraal hai.

sish jatta-jut se prasphoothit hai gangotri,
lep hai bhasm ka aur vastra hai digambri, 
aur aabhusano ke naam pe bas saapon ka jaal hai, 
aadi hai, anant hai, woh kaal ka bhi kaal hai.

kailash pe aashin jo, nishchal aur achal, 
lok hai jiska kahi, himgiri sam atal, 
patr ke roop mein sushojit kapaal hai, 

aadi hai, anant hai, woh kaal ka bhi kaal hai.

khojte manik sabhi jab manthan ki loot mein,
yogi sara pee gaye, vish ek hi ghhut mein,
kant neelkant woh, chandra sushobhit bhal hai, 
aadi hai, anant hai, woh kaal ka bhi kaal hai.

damru ki dhun mein mast, ganga ki dhar le,
jise sab tyaag de, usko bhi sweekar le, 

bhola hriday jiska, par nainyon mein jwaala hai, 
aadi hai, anant hai, woh kaal ka bhi kaal hai.

grihast bhi, vairaag bhi, woh devo ke dev hain, 

bramhand ke niyata, jo syam mahadev hain, 
aadi hai, anant hai, woh kaal ka bhi kaal hai...

bhasma hi satya aur satya hi shiv hai,
bhola bhi shiv aur shiv hi rudra hai,
devo ke hitkaari, yeh ashuron ke bhi east hain,

aadi hai, anant hai, woh kaal ka bhi kaal hai...

shiv hai vishwesar aur anishwar bhi shiv hain,
nathon ke nath, gananath bhi shiv hain,
koi sath ho na ho par sath mere shiv hain..

!! Jai Mahakaal !
!! Har Har Mahadev......!!

ek raaj na badla, ek mahadev na badle

manzilein bhi badle, rasthe bhi badle,
zindagi bhi badli, hakkdar bhi badle,

taarikhein bhi badli, saal bhi badla,
khwaishein bhi badli, kirdaar bhi badla,

rituein bhi badli, marham bhi badla,
shoharat ke rang bhi badle, ranjh bhi badla,

hukumat ne nakab bhi badla, algaaw bhi badla,
aawam ne taaz bhi badla, kalam bhi badla,

girra bhi, utta bhi, par rabb na badla,
chhupaya kitna bhi, par rabb na badla,

roya bhi, hansa bhi, par chitt na badla,
badlaw ke iss dour mein, sab badle,
ek raaj na badla, ek mahadev na badle!

!! har har mahadev !!

hey shiv mohe bachaoo

sab matlab ke meet hain, shiv mera tum bin aur na koi,
kiski sharan main jaaun prabhu, mera tum bin to na koi.

ek din socha jo kaam kathin hai, woh kaam main karr jaaun,
bahut jee chuka auron ki khatir, ab khud ke liye marr jaaun.

jaane kaise khayal mann mein aaya, ki yeh jeevan hai anmol,
in aankhon ne dekhi maya ki duniya, ab mann ki aankhein khol.

mera waqt tha kuch aisa badla, ki toot gaye the sab sapne,
tanhaayi deti thi saath mera, jab chord gaye the sab apne.

kya sangi-sathi, kya mitra pyaare aur kya yeh rishte naate,
sab rishte hain jhoothe bas yeh samajh deir se aaye.

koi krodti hai, koi lobhi to hai koi hai ahankaari,
moh-maya ke jaal mein fassi huyi hai yeh duniya saari.

yeh dukh ki raat hai kaali, chhaaya hai ghum ka andheraa,
koi anjana darr mohe sataaye, kab aayega sukh ka saveraa?

jis sang mann preet lagaya, woh preet thi jhoothi,
kab ka ho chuka hai savera, tab samjha jab neend yeh tooti.

bin barkha pyaasa jyon dharti, tyon pyaasa mann mera,
chahun naa aggan maya ki aur laage, jaltaa hai yeh tann mera.

mujh ko koi raah nazar naa aaye, firta hoon maara maara,
hey mere shiv mohe bachaoo, tum hi to ho raaj ka sahaara.

prabhu kripa se parbhu ko jaana, pavitra hua mann mera,
prakash hua gyaan ka mann mein, safal hua jeevan mera.

main shiv hoon

vibhatsa hoon, vibhoor hoon,
main samadhi mein hi chur hoon,

main shiv hoon.. main shiv hoon.. main shiv hoon.

ghanghor andhera ordh kar,
main jan jeewan se door hoon,


samshaan mein hoon nachta,
main mritu ka gurur hoon,

main shiv hoon.. main shiv hoon.. main shiv hoon.

saam daam tum hi rakho,
main dand mein sampurn hoon,

main shiv hoon.. main shiv hoon.. main shiv hoon.

cheer aaya charam mein,
maar aaya "main" ko main,
"main: main nahi, "main" bhay nahi,

main shiv hoon.. main shiv hoon.. main shiv hoon.

jo sirf tu hai sochta,
kewal wo main nahi,

main shiv hoon.. main shiv hoon.. main shiv hoon.

main kaal ka kapal hoon,
main mool ki chinghard hoon,
main magnha.. main cheer magnha hoon,
main akant me ujjard hoon,

main shiv hoon.. main shiv hoon.. main shiv hoon.

main aag hoon, main raakh hoon,
main pavitra rash hoon,

main pankh hoon,
main swash hoon,
main hi hard maas hoon,
main hi aadi anant hoon,

main shiv hoon.. main shiv hoon.. main shiv hoon.

mujh mein koi chhal nahi,
tera koi kal nahi,
maut ke hi garbh mein,
zindagi ke paas hoon,

andhakar ka aakar hoon,
prakash ka main prakaar hoon,

main shiv hoon.. main shiv hoon.. main shiv hoon.

main kal nahi main kaal hoon,
vaykunt ya paatal nahi,
main moksha ka bhi saar hoon,

main pavitra rash hoon,
main hi to aadhar hoon,

main shiv hoon.. main shiv hoon.. main shiv hoon.